Ein plant

Pan fo’r rhan fwyaf o bobl yn meddwl am fabwysiadu, maen nhw’n meddwl am fabanod. Er bod gennym fabanod sydd angen eu mabwysiadu, y gwirionedd yw bod y rhan fwyaf o’r plant sydd angen eu mabwysiadu ar draws rhanbarth Bae’r Gorllewin dros flwydd oed ac mae’r ystod oedran yn eang. Yn ogystal, mae gennym bob amser grwpiau o frodyr a/neu chwiorydd a rhai sydd ag anghenion cymhleth.

Gall hyd at 60 o blant fod yn disgwyl cael eu mabwysiadu ar unrhyw adeg yn ardal Bae’r Gorllewin. Mae’r plant hyn rhwng 6 mis a 9 mlwydd oed. Mae’n bwysig bod y plentyn priodol yn cael ei baru â mabwysiadwyr priodol, felly efallai mai nifer fechan yn unig o’r plant hyn fydd yn addas i chi.

Mae ein plant yn hanu o amrywiaeth o gefndiroedd ac maen nhw’r un mor amrywiol ac unigryw â chi!

Yr hyn sydd ganddynt i gyd yn gyffredin yw eu bod wedi cael bywydau ansefydlog a’r hyn y mae ei angen arnynt yw cartref cariadus, cefnogol a pharhaol. Gallwch chi weddnewid eu bywydau. Os byddwch chi’n gwneud hynny, byddan nhw’n gweddnewid eich bywydau chithau!